विशेष प्रतिनिधी
पुणे, : महाराष्ट्र राज्य माध्यमिक व उच्च माध्यमिक शिक्षण मंडळातर्फे घेण्यात आलेल्या इयत्ता बारावी परीक्षेचा (Hsc) निकाल उद्या ( ५ मे ऑनलाइन जाहीर करण्यात येणार आहे. दुपारी १ वाजल्यापासून mahresult.nic.in, mahahsscboard.in, hscresult.mkcl.org या संकेतस्थळावर हा निकाल पाहता येणार आहे. ( Class 12th online results to be announced tomorrow)
महाराष्ट्र राज्य माध्यमिक व उच्च माध्यमिक शिक्षण मंडळातर्फे ही माहिती देण्यात आली.
महाराष्ट्र राज्य माध्यमिक व उच्च माध्यमिक शिक्षण मंडळाच्या पुणे, नागपूर, छत्रपती संभाजीनगर, मुंबई, कोल्हापूर, अमरावती, नाशिक, लातूर व कोकण या नऊ विभागीय मंडळांमार्फत फेब्रुवारी-मार्च २०२५ मध्ये घेण्यात आलेल्या उच्च माध्यमिक प्रमाणपत्र (इ. १२ वी) परीक्षेचा निकाल अधिकृत संकेतस्थळांवर सोमवार दिनांक ०५ मे, २०२५ रोजी दुपारी १.०० वाजता ऑनलाईन जाहीर करण्यात येत आहे.
निकाल पाहण्यासाठी सूचना..
* बोर्डाच्या अधिकृत बेवसाईटवर होमपेजवर ‘महाराष्ट्र एसएससी/एचएससी निकाल 2025’ लिंक दिसेल. त्यावर क्लिक करा.
* क्लिक करताच नवीन विंडो उघडेल. त्याठिकाणी तुमचा सीट क्रमांक टाका. सोबत आईचे नाव भरुन ‘सबमिट’ बटणवर क्लिक करा.
* त्यानंतर तुम्हाला तुमचा निकाल स्क्रीनवर दिसेल.
* या निकालाची प्रत डाऊनलोडही करता येऊ शकते
