विशेष प्रतिनिधी
पुणे : टुरिस्ट कारच्या धडकेत बैलाचा मृत्यू झाल्याची घटना विश्रांतवाडी परिसरात घडली. याप्रकरणी विश्रांतवाडी पोलिसांनी कारचालकाविरुद्ध गुन्हा दाखल केला आहे.
( Bull dies in car collision in Vishrantwadi)
याप्रकरणी तरुण नंदनवार (वय ४४, रा. मांजरी बुद्रुक) या कारचालकाविरुद्ध गुन्हा दाखल करण्यात आला आहे. याबाबत पोलीस हवालदार संजय मोरे यांनी विश्रांतवाडी पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, पोलिसांनी दिलेल्या माहितीनुसार, सोमवारी (९ जून) दुपारी कारचालक बॉम्बे इंजिनिअरिंग ग्रुपसमोरून लोहगाव विमानतळाकडे निघाला होता. कारने रस्त्यावरून जाणाऱ्या एका बैलाला जोरदार धडक दिली. या धडकेत बैलाचा मृत्यू झाला. अपघाताची माहिती मिळताच पोलीस तात्काळ घटनास्थळी दाखल झाले. गंभीर जखमी झालेल्या बैलाला तातडीने पशुवैद्यकीय रुग्णालयात दाखल करण्यात आले. मात्र उपचारांपूर्वीच त्याचा मृत्यू झाला होता. या प्रकरणी, भरधाव वेगाने कार चालवून बैलाच्या मृत्यूला जबाबदार ठरल्याबद्दल मोटारचालकाविरुद्ध गुन्हा दाखल करण्यात आला आहे. पोलीस हवालदार माचरे या प्रकरणाचा पुढील तपास करत आहेत.
