विशेष प्रतिनिधी
नवी दिल्ली : जम्मू-काश्मीरमधील पहलगाम येथे झालेल्या भीषण दहशतवादी हल्ल्यात अनेक निष्पाप भारतीय पर्यटकांना आपला जीव गमवावा लागला. या भ्याड हल्ल्यामुळे देशभरात तीव्र संतापाची लाट उसळली असून, पाकिस्तानविरोधात रोष अधिक वाढला आहे. देशातील जनभावनेचा विचार करता आता क्रीडा क्षेत्रातूनही पाकिस्तानला मोठा झटका देण्यात आला आहे. ( Pakistan suffers major setback in India after Pahalgam attack Sony Sports bans PSL broadcast,)
सोनी स्पोर्ट्स नेटवर्क या भारतातील प्रमुख क्रीडा प्रसारक कंपनीने Pakistan Super League (PSL) या पाकिस्तानातील देशांतर्गत क्रिकेट स्पर्धेचे भारतामधील प्रसारण तात्काळ थांबवण्याचा निर्णय घेतला आहे.
कंपनीच्या अधिकृत प्रवक्त्याने सांगितले,
देशहित आणि राष्ट्रीय सुरक्षेच्या भावना आमच्यासाठी सर्वोच्च आहेत. अशा परिस्थितीत PSL सारख्या स्पर्धेचे प्रसारण करणं ही गोष्ट आम्हाला योग्य वाटत नाही. आम्ही आमचे सर्व कार्यक्रम आणि निर्णय हे प्रेक्षकांच्या भावनांचा सन्मान ठेवून घेतो.”l
या निर्णयामुळे पाकिस्तान क्रिकेट बोर्ड (PCB) आणि PSL स्पर्धेला मोठा आर्थिक झटका बसला आहे. भारतात PSL चे लाखो प्रेक्षक होते, ज्यामुळे Sony Sports ला मोठ्या प्रमाणावर महसूल मिळत होता. मात्र देशहिताच्या पार्श्वभूमीवर हा आर्थिक तोटा पत्करण्याचा निर्णय कंपनीने घेतला आहे.
केंद्र सरकारकडूनही पाकिस्तानविरोधात अनेक निर्णय
या निर्णयानंतर केंद्र सरकारकडूनही पाकिस्तानची कोंडी करणारे आणखी काही महत्त्वाचे निर्णय लवकरच जाहीर होण्याची शक्यता आहे. पाकिस्तानसोबतच्या व्यापारी, क्रीडा आणि सांस्कृतिक संबंधांचाही आढावा घेण्यात येत आहे.
देशभरातील जनतेने Sony Sports Network च्या या निर्णयाचे जोरदार स्वागत केले आहे. ट्विटर, फेसबुकसह सोशल मीडियावर नागरिकांकडून “देशप्रेमी निर्णय” म्हणून या निर्णयाचं कौतुक होत आहे.
