विशेष प्रतिनिधी
मुंबई : दिशा सालियान मृत्यू प्रकरणात पिक्चर अजून बाकी आहे. पूर्ण पिक्चर अजून संपलेला नाही. 16 तारीख दिली आहे. त्या तारखेला काय होत ते आपण बघू असे म्हणत भाजपचे नेते आणि मंत्री नितेश राणे यांनी शिवसेना ठाकरे गटाचे आमदार आदित्य ठाकरे यांना पोलिसांनी दिलेली क्लीन चिट मानण्यास नकार दिला आहे. (Picture is still pending in Disha Salian death case claims Nitesh Rane)
दिशा सालियनचे वडील सतीश सालियन यांनी केलेल्या याचिकेत आदित्य ठाकरेंवर आरोप करण्यात आला होता. दिशाची हत्या झाल्याचा आणि त्यापूर्वी तिच्यावर सामूहिक बलात्कार झाल्याचा दावा करून प्रकरणाची सीबीआय चौकशी करण्याच्या मागणीसाठी तिच्या वडिलांनी उच्च न्यायालयात याचिका दाखल केली होती. मात्र या याचिकेवर पोलिसांनी प्रतिज्ञापत्र सादर करून दिशा सालियनची हत्या झाल्याचं किंवा तिच्यावर कोणत्याही प्रकारचा लैंगिक अत्याचार झाल्याचे वैद्यकीय आणि वैज्ञानिक पुराव्यांतून सिद्ध झालेले नाही, अशी माहिती उच्च न्यायालयात दिली.
यावर बोलताना नितेश राणे म्हणाले, कोर्टात चालू असलेला मॅटर आहे. त्याबद्दल किती भाष्य करु शकतो, यावर प्रश्नचिन्ह आहे. हा नितेश राणेंचा विषय नाही. राजकीय आरोपांचा विषय नाही. दिशा सालियानचे वडील ज्यांनी स्वतची मुलगी गमावली ते राजकीय आरोप करणार आहेत का? ते मुद्दामून कोणाचं नाव घेणार का? त्यांनी जे प्रतिज्ञापत्र कोर्टात सादर केलं, दिशा सालियानच्या वडिलांनी डिनो मारियो, आदित्य ठाकरे यांची नाव घेतली आहेत. म्हणून मी एवढच सांगेन पिक्चर अजून बाकी आहे. पूर्ण पिक्चर अजून संपलेला नाही. 16 तारीख दिली आहे. त्या तारखेला काय होत ते आपण बघू.
राज्य सरकार, आत्ताचे पोलीस त्यांना जे नजरेसमोर दिसलं त्यांनी योग्य पद्धतीने अहवाल दिला. या प्रकरणात एसआयटी गठीत झाली होती. त्यात एक अधिकारी होता, तो दिशा सालियान केसमध्ये साथीदार होता. त्याला बदलण्यात यावं, असं पत्र मी दिलेलं. दिशा सालियानच्या वडिलांनी कोर्टात काऊंटर प्रतिज्ञापत्र दिलेलं आहे. कोर्टात आदित्य ठाकरेने जे प्रतिज्ञापत्र दिलय, त्यात त्याने मी आमदार आहे हे लपवलेलं आहे. मी समाजसेवक, उद्योजक आहे अशी खोटी माहिती दिलेली आहे. कोर्टाला खोटी माहिती देणारे तुमच्या इथे येऊन काय खरं बोलणार? असा सवालही नितेश राणे यांनी केला.
आदित्य ठाकरे म्हणतात माझा या प्रकरणाशी संबंध नाही. नाहक बदनामी सुरु आहे. त्यावर नितेश राणे म्हणाले की, “यावर आता उत्तर देण्यापेक्षा आगे, आगे देखो होता हैं क्या, तुम्हाला सांगून ठेवलेली उत्तर रेकॉर्ड करुन ठेवा. नंतर एकत्र वाजवायला मिळतील.
