विशेष प्रतिनिधी
पुणे : पुणे शहर पोलीस दलातील एका उपनिरीक्षकाने गळफास घेऊन आत्महत्या केल्याची धक्कादायक घटना उघडकीस आली आहे. खडकी पोलीस स्टेशन येथील पोलीस उपनिरीक्षक अण्णा गुंजाळ असे आत्महत्या केलेल्या अधिकाऱ्याचे नाव आहे. लोणावळा येथील टायगर पॉईंटवर गळफास घेऊन आत्महत्या केल्याची माहिती पोलिसांनी दिली. (PSI of Pune committed suicide by hanging himself at Tiger Point in Lonavala)
गेल्या काही दिवसांपासून गुंजाळ हे कामावर उपस्थित नव्हते. या दरम्यान त्यांच्या पोलिस दलातील कोणाशीही संपर्क देखील होत नव्हता. घरगुती कारणवरून त्यांनी आत्महत्या केल्याचे समोर येत आहे.
लोणावळ्यातील टायगर पोईंटवरील घटनास्थळी पोलिस उपनिरीक्षक अण्णा गुंजाळ यांची क्रेटा गाडी देखील आढळली आहे. पोलिसांनी त्या गाडीचा तपास केला असता त्यात डायरी आढळली आहे. या डायरीमध्ये नेमंके काय लिहिले आहे याचा पोलिस तपास करणार आहे. मात्र सध्यातरी या बाबत कोणतीही माहिती समोर आलेली नाही. या खळबळजनक घटनेनंतर लोणावळा ग्रामीण पोलीस तात्काळ घटनास्थळी धाव घेतली आणि तेथील स्थानिकांच्या मदतीने कारवाई सुरू केली होती. ही घटना कळताच गुंजाळ कार्यरत असलेल्या खडकी पोलीसांचे पथकही घटनास्थळाकडे रवाना झाले आहे.
