शरद पवारांचाविधानसभा निवडणुकीबाबत मोठा गौप्यस्फोट विधान सभेत १६० जागा मिळवून देतो म्हणून दोन लोक माझ्याकडे आले होते (Sharad Pawar’s Big Revelation About Assembly Elections: “Two people approached me saying they could secure 160 seats.)
पवार म्हणाले,
“माझ्याकडे दोन व्यक्ती आले आणि म्हणाले की, आम्ही तुम्हाला १६० जागा जिंकून देऊ शकतो. पण त्यामागे नेमकं काय आहे, हे कसं शक्य आहे, याचा विचार मी केला. मी त्यांची आणि राहुल गांधी यांची भेट घडवून आणली. त्या बैठकीनंतर आम्ही दोघंही एका गोष्टीवर एकमत झालो – अशा प्रकारच्या मार्गांवर अवलंबून राहण्याऐवजी, आपण लोकशाही मार्ग स्वीकारला पाहिजे आणि जनतेला आमच्यासाठी मतदान करण्याचे आवाहन केले पाहिजे.”
शरद पवारांचा विधानसभा निवडणुकीसंदर्भात मोठा गौप्यस्फोट #शरदपवार #१६०जागा #गौप्यस्फोट #विधानसभानिवडणूक #लोकशाही #राजकारण #RahulGandhi #SharadPawar #MaharashtraPolitics #PoliticalRevelation pic.twitter.com/wAVk7AX21K
— DCN Maharashtra (@DCNMaharashtra) August 9, 2025
शरद पवारांनी कोणाचंही नाव जाहीरपणे घेतलं नाही, मात्र त्यांच्या इशाऱ्यांनी अनेक शक्यता आणि चर्चा उभ्या केल्या आहेत. त्यांनी अधोरेखित केलं की,
“लोकशाहीत अशा मार्गांनी सत्ता मिळवण्याचा प्रयत्न अत्यंत धोकादायक आहे.”
या विधानानंतर राजकीय वर्तुळात खळबळ माजली आहे.
हे दोन लोक कोण होते? त्यांचा संबंध कोणत्या पक्षाशी होता? त्यांच्या मागे कोण आहे? — अशा प्रश्नांची सध्या राजकीय वर्तुळात जोरदार चर्चा सुरू आहे.
पवार यांनी स्पष्टपणे सांगितले की, सत्तेसाठी अलोकशाही मार्ग अवलंबणे स्वीकारार्ह नाही, आणि खरे नेतृत्व हे जनतेचा विश्वास मिळवूनच उभे राहते; निकाल हाताळून नव्हे.
